«Liverpul» sardori Virjil van Deyk jamoa futbolchilariga qo‘yiladigan talablar haqida fikr bildirdi.
Niderlandiyalik himoyachi 2023 yilning yozida mersisaydliklar sardoriga aylangan. O‘shandan buyon jamoada uch nafar bosh murabbiy — Yurgen Klopp, Arne Slot va Andoni Iraola faoliyat yuritgan.
35 yoshli futbolchi Sky Sports nashriga bergan intervyusida «Liverpul»ning har bir a’zosidan nimalar kutilishini tushuntirdi.
«Liverpul»ning har bir futbolchisidan talab qilinadigan eng kam narsa — bor kuchini ishga solish, hech qachon taslim bo‘lmaslik va yaxshi inson bo‘lish.
Bu yerda har bir uchrashuvning birinchi daqiqasidan oxirgisigacha klub manfaati uchun qo‘lingdan kelgan barcha ishni qilishing kerak.
Bu ulkan sharaf. Ammo sen buni to‘liq anglab ulgurmasingdan hammasi tugab qolishi mumkin», — dedi Van Deyk.
«Liverpul» 11 oktyabr, yakshanba kuni Angliya Premyer-ligasi doirasida o‘z maydonida «Manchester Siti»ni qabul qiladi.
