Криштиану Роналдунинг Лионель Месси миллий терма жамоадаги фаолиятини якунлагани ҳақида эълон қилган пост остида қолдирган изоҳи ижтимоий тармоқларда катта машҳурликка эришди.

Аргентиналик ҳужумчи миллий терма жамоа сафидаги хайрлашув учрашувидан сўнг ижтимоий тармоқда пост эълон қилиб, мухлислар билан хайрлашган ва халқаро фаолиятига якун ясаган эди.

Криштиану Роналду ҳам мазкур хабарга бефарқ қолмади ва ўзининг азалий рақибига ҳурмат билдирди.

Португалиялик футболчининг Месси пости остида қолдирган изоҳи аллақачон 6 миллион лайк тўплади.

Лионель Мессининг хайрлашув пости эса 24 миллиондан ортиқ фойдаланувчи томонидан маъқулланган.

Маълумот учун, Лионель Месси Аргентина миллий терма жамоаси сафида 208 та учрашувда майдонга тушиб, 126 та гол урган.

Ҳужумчи 2005 йилдан буён мамлакат бош жамоаси шарафини ҳимоя қилиб келган.