«Барселона»нинг собиқ футболчиси Андрес Иньеста жамоа ярим ҳимоячиси Педри ҳақида яна бир бор илиқ фикр билдирди.
23 ёшли футболчи аввал ҳам бир неча бор Иньестани ўз кумири ва ўрнак оладиган футболчиси деб ҳисоблашини таъкидлаган эди.
«Бундай ажойиб футболчидан ўзим ҳақимда шундай сўзларни эшитиш ёқимли.
Педри ҳали ёш ва келажакда унга мураббийлик қилишдан жуда хурсанд бўлардим», — деди Иньеста Radioestadio Noche билан суҳбатда мураббийлик фаолияти ҳақида гапирар экан.
Эслатиб ўтамиз, афсонавий собиқ ярим ҳимоячи шу йил ёзда Бирлашган Араб Амирликларининг «Галф Юнайтед» клуби бош мураббийига айланган.
Андрес Иньеста 2001 йилдан 2018 йилгача «Барселона»нинг асосий жамоасида тўп тепган. У 2024 йилда футболчилик фаолиятини якунлаган.
