"Манчестер Юнайтед" Германиянинг "Фрайбург" клуби ҳужумчиси Игор Матанович учун курашда "Арсенал" ва "Челси"дан ўзиб кетди.
Бу ҳақда FootballInsider нашри хабар бермоқда.
Манба маълумотларига кўра, 23 ёшли хорватиялик футболчи "Қизил иблислар" таклифини қабул қилишга ва ўз кучини Англия Премьер-лигасида синаб кўришга тайёр.
"Манчестер Юнайтед" бош мураббийи Майкл Каррик жамоанинг ҳужум чизиғини кучайтиришни мақсад қилган ва Матановични ўз сафига қўшиб олишни истамоқда.
Аввалроқ ҳужумчи учун курашда "Арсенал" ва "Челси" асосий даъвогарлар экани хабар қилинган эди.
"Фрайбург" 23 ёшли футболчисини 50 миллион фунт стерлингга (59 миллион евро) баҳоламоқда ва унинг бошқа клубга ўтишига тўсқинлик қилмоқчи эмас.
Матанович жорий мавсумда барча мусобақалар доирасида еттита учрашувда иштирок этиб, олтита гол урди ва иккита голли узатмани амалга оширди.
Transfermarkt портали маълумотларига кўра, хорватиялик ҳужумчининг трансфер бозоридаги қиймати 30 миллион еврони ташкил этади.
