Италия миллий терма жамоасининг собиқ ҳужумчиси Кристиан Вьери «Интер» форварди Франческо Эспозитонинг ўйини ҳақида ўз фикрларини билдирди.

Вьери 21 ёшли футболчи келажакда Италия терма жамоаси тарихидаги энг яхши тўпурарга айланиши мумкинлигини таъкидлади.

«У 21 ёшидаёқ Италия терма жамоаси либосида еттита гол урди. Бу либос эса жуда катта аҳамиятга эга.

Бу шуни англатадики, у етти-саккиз йил ичида Луижи Риванинг рекордини янгилаб, Италия терма жамоаси тарихидаги энг яхши тўпурарга айланади.

Шунингдек, бу унинг икки-уч йилдан кейин бир мавсумда 20 тадан гол ура бошлашини ҳам англатади», — деди Вьери.

21 ёшли Франческо Эспозито Италия миллий терма жамоаси сафида ҳозиргача 13 та учрашувда майдонга тушиб, еттита гол урган ва битта голли узатмани амалга оширган.

Таққослаш учун, Италия терма жамоаси тарихидаги энг яхши тўпурар Луижи Рива мамлакат бош жамоаси сафида 42 та учрашувда иштирок этиб, 35 та гол муаллифи бўлган.