Мюнхеннинг «Бавария» клуби спорт директори Кристоф Фройнд жамоа қанот ҳужумчиси Майкл Олисе билан янги шартнома борасида музокаралар олиб борилаётгани ҳақидаги саволларга жавоб берди.
«Майкл «Бавария»да ниҳоятда катта ўсишга эришди ва ҳозирда дунёнинг энг яхши футболчиларидан бири ҳисобланади.
Унинг клубимиз шарафини ҳимоя қилаётганидан жуда хурсандмиз.
Олисeнинг амалдаги шартномаси 2029 йилгача мўлжалланган. Шу сабабли ҳеч қандай босим йўқ.
У ўзини «Бавария»да қулай ҳис қилмоқда. Биз доимо алоқадамиз», — дея Фройнднинг сўзларини келтиради Sky Sport журналисти Торбен Хоффманн.
«Бавария» 2024 йилда Майкл Олисени «Кристал Пэлас»дан 53 миллион еврога сотиб олган эди.
24 ёшли қанот ҳужумчиси жорий мавсумда барча мусобақалар доирасида еттита учрашувда майдонга тушиб, саккизта гол урган ва тўртта голли узатмани амалга оширган.
