Myunxenning «Bavariya» klubi sport direktori Kristof Froynd jamoa qanot hujumchisi Maykl Olise bilan yangi shartnoma borasida muzokaralar olib borilayotgani haqidagi savollarga javob berdi.
«Maykl «Bavariya»da nihoyatda katta o‘sishga erishdi va hozirda dunyoning eng yaxshi futbolchilaridan biri hisoblanadi.
Uning klubimiz sharafini himoya qilayotganidan juda xursandmiz.
Olisening amaldagi shartnomasi 2029 yilgacha mo‘ljallangan. Shu sababli hech qanday bosim yo‘q.
U o‘zini «Bavariya»da qulay his qilmoqda. Biz doimo aloqadamiz», — deya Froyndning so‘zlarini keltiradi Sky Sport jurnalisti Torben Xoffmann.
«Bavariya» 2024 yilda Maykl Oliseni «Kristal Pelas»dan 53 million yevroga sotib olgan edi.
24 yoshli qanot hujumchisi joriy mavsumda barcha musobaqalar doirasida yettita uchrashuvda maydonga tushib, sakkizta gol urgan va to‘rtta golli uzatmani amalga oshirgan.
