Мадриднинг "Атлетико" клуби бош мураббийи Диего Симеоне Лионель Мессига Аргентина терма жамоаси муваффақиятларига қўшган ҳиссаси учун миннатдорлик билдирди.

"Аргентиналик сифатида мен Мессига бизга берган барча нарсалари, кўплаб қувончли лаҳзалар ва ўргатган сабоқлари учун миннатдорлик билдиришим керак.

У бизга ҳатто ҳаммаси ёмон кетаётган пайтда ҳам қандай курашиш ва олдинга интилишда давом этиш кераклигини кўрсатди.

Мен учун бу Мессининг энг қимматли фазилатидир", — дея Симеоненинг сўзларини келтиради AS нашри.

Лионель Месси Аргентина миллий терма жамоасидаги фаолиятини якунлади.

У миллий жамоа сафида 208 та учрашувда майдонга тушиб, рақиблар дарвозасига 126 та гол урган.

Месси Аргентина терма жамоаси билан Қатарда ўтказилган жаҳон чемпионатида ғолиб чиққан, шунингдек, икки марта Америка кубогини қўлга киритган.