Германия Бундеслигасининг бешинчи турида Дортмунднинг "Боруссия" клуби Бременнинг "Вердер" жамоаси билан 2:2 ҳисобида дуранг ўйнади.
"Арилар" учрашувнинг 88-дақиқасига қадар 2:0 ҳисобида олдинда бораётган эди.
"Боруссия" бош мураббийи Нико Ковач жамоасининг ғалабани қўлдан чиқарганига муносабат билдирди.
"Шогирдларим 88 дақиқа давомида устунлик қилди. Биз рақибни бурчакка тиқиб қўйдик.
Бироқ бошлаган ишимизни керакли даражада якунлай олмадик.
Бунинг учун фақат ўзимизни айблашимиз мумкин.
Биз жуда хафамиз. Бу ҳолат биз учун сабоқ бўлади", — дея Ковачнинг сўзларини келтиради Bulinews нашри.
Ковач шогирдлари жорий Бундеслига мавсумида илк бор очко йўқотди.
"Боруссия" бешта турдан сўнг 13 очко жамғарган ҳолда турнир жадвалида биринчи ўринни эгаллаб турибди.
