Қирғизистон футзал терма жамоаси ноябрь ойида Тошкентда ўтказиладиган Осиё чемпионати саралаш баҳсларига тайёргарликни бошлади. Йиғин 12 октябргача Бишкекда ўтказилса, ўша куни терма жамоа Қозоғистоннинг Қарағанда шаҳрига учиб кетади.

У ерда қиғизистонликлар 10 кунлик йиғин ўтказиш билан бирга Қозоғистон чемпионатининг кумуш медали совриндори — "Тулпар" билан 2та ўртоқлик ўйинини ҳам ўтказади. Шунингдек, қарағандаликларнинг ўринбосарлар жамоаси билан битта ўртоқлик ўйини режалаштирилган.

Осиё чемпионатига саралаш ўйинлари эса 5-7 ноябрь кунлари пойтахтимиздаги "Ўзбекистон" спорт мажмуасида ўтказилади.

5 ноябрь
16:00. Қирғизистон – Тожикистон
18:00. Ўзбекистон – Туркманистон
6 ноябрь
16:00. Туркманистон – Қирғизистон
18:00. Тожикистон – Ўзбекистон
7 ноябрь
16:00. Тожикистон – Туркманистон
18:00. Ўзбекистон – Қирғизистон.