«Марсель» ярим ҳимоячиси Пьер-Эмиль Хёйбьерг Дания терма жамоаси сафида олган сон жароҳати сабаб тахминан икки ҳафта майдонга туша олмайди.
Бу ҳақда GFFN нашри хабар берди.
Хёйбьерг Уэльсга қарши учрашувнинг 10-дақиқасидаёқ захирага олинган эди.
«Марсель»га қайтганидан сўнг ўтказилган тиббий текширувлар футболчининг сонида жароҳат борлигини аниқлади.
Даниялик ярим ҳимоячи «Труа»га қарши навбатдаги учрашувни, шунингдек, «Анже», «Олимпиакос» ва «Штурм»га қарши баҳсларни ўтказиб юбориши кутилмоқда.
Хёйбьергдан ташқари, терма жамоалар ўйинлари учун ажратилган сўнгги танаффус давомида «Марсель» яна уч нафар футболчисидан айрилди.
Таъкидлаш жоизки, Франция чемпионатининг бешта туридан сўнг «Марсель» турнир жадвалида охиридан иккинчи ўринни эгаллаб турибди.
