«Marsel» yarim himoyachisi Pyer-Emil Xyoybyerg Daniya terma jamoasi safida olgan son jarohati sabab taxminan ikki hafta maydonga tusha olmaydi.

Bu haqda GFFN nashri xabar berdi.

Xyoybyerg Uelsga qarshi uchrashuvning 10-daqiqasidayoq zaxiraga olingan edi.

«Marsel»ga qaytganidan so‘ng o‘tkazilgan tibbiy tekshiruvlar futbolchining sonida jarohat borligini aniqladi.

Daniyalik yarim himoyachi «Trua»ga qarshi navbatdagi uchrashuvni, shuningdek, «Anje», «Olimpiakos» va «Shturm»ga qarshi bahslarni o‘tkazib yuborishi kutilmoqda.

Xyoybyergdan tashqari, terma jamoalar o‘yinlari uchun ajratilgan so‘nggi tanaffus davomida «Marsel» yana uch nafar futbolchisidan ayrildi.

Ta’kidlash joizki, Fransiya chempionatining beshta turidan so‘ng «Marsel» turnir jadvalida oxiridan ikkinchi o‘rinni egallab turibdi.