"ПСЖ" бош мураббийи Луис Энрике Франция Лига 1 мусобақасининг 6-туридан ўрин олган "Ле Ман"га қарши учрашувдан (3:1) сўнг рақиб жамоанинг ўйинига юқори баҳо берди.
Франция чемпионати элитасига янги қўшилган "Ле Ман" "Парк де Пренс" стадионида амалдаги чемпионга жиддий қаршилик кўрсатди. Меҳмонлар 54-дақиқада ҳисобни тенглаштиришга муваффақ бўлди. Бироқ кўп ўтмай парижликлар яна олдинга чиқди ва кейинчалик устунликни мустаҳкамлаб, кетма-кет учинчи ғалабасини қўлга киритди.
"Ле Ман"нинг ўйинини муносиб баҳолашимиз керак. Патрик Видейра жуда яхши тайёрлаган ажойиб жамоа экан.
Бу биз учун ниҳоятда муҳим уч очко бўлди. Асосий мақсадимиз — барча мусобақаларда рақобатбардош бўлиб қолиш", — деди Энрике учрашувдан кейин журналистлар билан суҳбатда.
Олти турдан кейин "ПСЖ" 11 очко билан Франция чемпионати турнир жадвалида бешинчи ўринни эгаллаб турибди. Ҳисобида 6 очко бўлган "Ле Ман" эса 12-поғонадан жой олган.
