Италия А Сериясида август-сентябрь ойларининг энг яхши футболчиси деб топилган «Рома» ҳужумчиси Дониэлл Мален «Комо»га қарши учрашувда майдондан четлатилди.

11 октябрь, якшанба куни Италия чемпионатининг 6-тури доирасида «Комо» ва «Рома» жамоалари ўзаро тўқнаш келмоқда.

Баҳснинг 53-дақиқасида римликлар бир киши кам бўлиб қолди. «Рома» ҳужумчиси Дониэлл Мален рақибига нисбатан қўпол "подкат" ишлатгани учун тўғридан-тўғри қизил карточка олди.

Нидерландиялик футболчи ҳакамнинг қарорига эътироз билдириб, майдондан четлатилишига норозилик билдирди. Бироқ унинг эътирозлари қарорга таъсир кўрсатмади.

Шу тариқа, «Рома» ҳисоб 0:0 бўлиб турган бир пайтда ўн киши бўлиб қолди.

Қайд этиш жоиз, Дониэлл Мален Италия А Сериясида август-сентябрь ойларининг энг яхши футболчиси деб топилган эди.

Ҳужумчи ушбу мукофотни 17 октябрь куни «Женоа»га қарши учрашув олдидан қабул қилиб олиши режалаштирилган.

Бироқ Мален қизил карточка туфайли дисквалификация қилинади ва «Женоа»га қарши навбатдаги баҳсда майдонга туша олмайди.