«Галатасарой» бош мураббийи ёрдамчиси Исмаэл Гарсия «Барселона»га қарши бўлиб ўтадиган учрашув олдидан рақибнинг кучига юқори баҳо берди.

Испаниялик мутахассис каталонияликларга қарши ўйнашни тиш шифокори қабулига бориш билан таққослади. Шу билан бирга, у ўз жамоаси рақибга жиддий қаршилик кўрсата олишига ишонч билдирди.

«Барселона»га қарши ўйнаш худди тиш шифокорига боришга ўхшайди. Оғриқли бўлишини олдиндан биласан, аммо барибир боришинг ва бу жараёндан имкон қадар яхши ўтишинг керак», — деди Гарсия SPORT нашрига берган интервьюсида.

Мутахассис «Барселона»нинг айни пайтдаги ўйин савиясини ҳам юқори баҳолади.

Унинг таъкидлашича, каталонияликлар «ҳозирги вақтда Европада энг яхши формада бўлган жамоа» бўлиши мумкин.

Шунга қарамай, Гарсия «Галатасарой»нинг имкониятларига ишонмоқда. У Истанбулдаги ўз майдони устунлиги жамоасига кучли рақибга муносиб қаршилик кўрсатишда ёрдам беришидан умидвор.

«Галатасарой» ва «Барселона» ўртасидаги учрашув 13 октябрь, сешанба куни Истанбулда бўлиб ўтиши режалаштирилган.