Олий лигага чиқиш учун кураш олиб бораётган “Андижон” жамоаси мазкур турда Навоийга сафар қилиб “Зарафшон”га имкониятни бой бериб қўйди. Учрашувдан кейин андижонликлар устози ўйин тўғрисида ўз фикрини билдирди.

— Биринчи бўлимда ўйинимиз яхши чиқмади. Аммо иккинчи таймда йигитлар фаол ҳаракат қилиб, бир қатор голли вазиятларни юзага келтиришди. Шунга қарамай, имкониятлардан фойдалана олмадик. Лочин Солиев икки марта яхши вазиятни голга айлантира олмади. Шунингдек, иккинчи бўлимда Алишер Тўхтасинов ва Фурқат Ҳасанбоев очиқ дарвозани ишғол эта олишмади. Қолаверса, Баҳром Абдураҳимов яхши имкониятдан фойдала билмади. Шунинг учун мағлубиятда қайсидир жиҳатдан ўзимизнинг ҳам айбимиз бор. Аммо ўйинни бошқарган ҳакамнинг ҳаракатидан қониқмадим. Бош ҳакам мезбонлар дарвозасига икки бор “тоза” пенальтини бермади. Тўғриси, бундай ҳакамликни биринчи марта кўришим.