Англия Премьер-лигасининг 6-тури доирасида «Ковентри» ўз майдонида «Ньюкасл»ни қабул қилди.

Учрашув мезбонларнинг 4:1 ҳисобидаги йирик ғалабаси билан якунланди.

Баҳснинг 6-дақиқасида Жек Рудони пенальтини аниқ амалга ошириб, ҳисобни очди. Иккинчи бўлим бошланиши билан «Ковентри» устунлигини оширди. 48-дақиқада Сидики Шериф рақиб дарвозасини ишғол қилиб, ҳисобни 2:0 кўринишига келтирди.

70-дақиқада Свен Ботман «Ньюкасл»нинг ягона голини уриб, ҳисобдаги фарқни қисқартирди.

Бироқ учрашувнинг сўнгги дақиқаларида мезбонлар яна икки бор муваффақият қозонди. 81-дақиқада Эллис Симмс жамоасининг учинчи голини урган бўлса, 86-дақиқада Стефен Мфуни якуний ҳисобни ўрнатди — 4:1.

Ушбу ғалабадан сўнг «Ковентри» очколари сонини 6 тага етказиб, Англия чемпионати турнир жадвалида 14-ўринни эгаллади.

«Ньюкасл» эса 8 очко билан 11-поғонада бормоқда.