Франциялик ҳужумчи Килиан Мбаппе 20 ёшга тўлгунига қадар Чемпионлар лигасида 13 та гол уриб, рекорд ўрнатган. Энди эса Ламин Ямал ушбу рекордни янгилашга яқин турибди.

Жорий мавсум Чемпионлар лигаси гуруҳ босқичининг илк учрашувида «Фейеноорд» дарвозасига гол урган «Барселона»нинг 10-рақамли футболчиси ўз ҳисобидаги голлар сонини 12 тага етказди. Шунингдек, унинг мазкур нуфузли Европа мусобақасидаги 34 та учрашувида 11 та голли узатмаси ҳам бор.

Шундай қилиб, Ямал франциялик ҳамкасбининг рекордини такрорлаши учун атиги битта гол уриши керак.

Футболчининг айни пайтдаги ажойиб формасини ҳисобга олсак, у ушбу натижага эришиши ёки рекордни янгилаши мумкин. Бунинг учун у навбатдаги «Галатасарой»га қарши учрашувдаёқ гол уриши ёки куз фаслининг кейинги ўйинларида ўз мақсадига етиши мумкин.