Антуан Гризманн АҚШдаги янги саргузаштидан завқ олмоқда. У футболга ҳар доим ўзига хос бўлган иштиёқ ва самимият билан ёндашишда давом этмоқда.

Айни пайтда «Орландо Сити» футболчиси бўлган франциялик ҳужумчи америкалик клубдошларининг ҳурматини нафақат техник маҳорати, балки илк кунданоқ намоён этаётган профессионаллиги ва ишга бўлган муносабати билан ҳам қозонди.

Клуб спорт директори Рикардо Морейра ва жамоадоши Жоран Жербе L’Équipe нашрига берган интервьюларида Гризманннинг кундалик ҳаёти ҳақида сўзлаб беришди.

«У ҳар доим биринчи бўлиб келади. Тонгни кутиб олиш, мате ичиш, ялангоёқ ҳолда майсани ва тўпни ҳис қилиш учун эрталаб соат олтидаёқ етиб келади. Антуан ана шундай: ҳақиқий профессионал ва футболнинг жонкуяр мухлиси», — деб ёзади манба.

Эслатиб ўтамиз, Гризманн Европада асосан Испания чемпионатида тўп тепган.