Италия А Сериясининг 6-тури доирасида "Удинезе" сафарда "Торино"га қарши баҳс олиб борди.
Учрашув мезбонларнинг 2:1 ҳисобидаги ғалабаси билан якунланди.
"Торино" сафида Даниэл Браганса ва Сандро Куленович гол муаллифи бўлди. Меҳмонларнинг ягона голини эса Юрген Эккеленкамп киритди.
Мазкур учрашув "Удинезе"нинг янги футболчиси Давид Алаба учун дебют баҳси бўлди.
34 ёшли австриялик ҳимоячи ўйинни захира ўриндиғида бошлади ва 72-дақиқада алмаштириш орқали майдонга тушди.
Эслатиб ўтамиз, "Удинезе" 24 сентябрь куни Давид Алаба билан шартнома имзолаганини расман эълон қилган эди. Футболчи Италия клубига эркин агент мақомида келиб қўшилган.
Алаба жорий йил ёзида Мадриднинг "Реал" клубини тарк этган эди. У 2021 йил июль ойидан буён "қироллик клуби" шарафини ҳимоя қилиб келган.
