«Фулҳэм» устози Мартин Йол жамоадан кетиши мумкинлиги ҳақидаги хабарларга изоҳ билдирди.

«Ўтган ҳафтада Европанинг топ-клубларидан бири менга таклиф билан мурожаат қилди, лекин мен «Фулҳэм»билан натижага эришишни хоҳлайман. Шунинг учун қолдим.

Мендан яхши мураббийлар кўп бўлиши мумкин, лекин мен шу ерда ўз ишимни маромига етказиб қиламан деб ўйлайман. Менга «Фулҳэм»да ҳаммаси ёқади: раҳбарлар, футболчилар. Мен камчиликлардан нолийдиган одам эмасман.

Менга ўтказилаётган босимга бардош бера оламан. Шунинг учун ҳам менга пул тўлашади»,- дейди мураббий.

Хабарингиз бор, «Фулҳэм» премьер лигани жуда омадсиз бошлади. Ўтказилган 6 учрашувдан кейин Йол шогирдлари атиги 4 очко тўплашган.