Франциялик собиқ футболчи Кристоф Дюгарри Чемпионлар лигаси доирасида «Манчестер Сити» ва «Пари Сен-Жермен» ўртасидаги учрашувдан кейин Райан Шеркини кескин танқид қилди.
23 ёшли француз яримҳимоячиси «шаҳарликлар» 0:3 ҳисобида ортда бораётганида, биринчи бўлимдан кейин захирага олинди. Иккинчи бўлимда мезбонлар ўйинни кучайтиришди, аммо мағлубиятдан қутулиб қола олишмади — 2:4.
«Шеркининг барча техник маҳорати тезкорликсиз ҳеч нарсага арзимайди. У шунчаки пиёда юради ва бунинг ўзи етарли деб ўйлайди.
«Барселона» футболчиларига қаранг — Ямал, Ольмо ва бошқалар техник маҳоратни мисли кўрилмаган жадаллик билан уйғунлаштиришади. Шерки улардан ўрнак олиши ва бу жиҳатда ўсиши керак. Фақат шундагина у энг яхши футболчилар қаторига кира олади», — дея Дюгаррининг сўзларини келтиради Actu Foot.
