Бельгиянинг "Брюгге" клуби ҳужумчиси Николо Тресольди Европанинг бир қатор йирик клублари эътиборини тортмоқда.

Италияликлар оиласида туғилган германиялик футболчи яқинда Европа Чемпионлар лигаси доирасида "Интер"га қарши ўтказилган учрашувда хет-трик қайд этиб, ўзининг юқори салоҳиятини намойиш этди.

Инсайдер Николо Скиранинг маълум қилишича, 22 ёшли ҳужумчининг ўйинларини Лондоннинг "Арсенал", Мюнхеннинг "Бавария" ва Мадриднинг "Атлетико" клублари диққат билан кузатиб бормоқда.

Мазкур учала жамоа ҳам келаси йил Тресольдини ўз сафига қўшиб олиш имкониятини кўриб чиқмоқда.

Эътиборлиси, ўтган ёзги трансферлар даврида "Барселона" ва "Тоттенхэм" ҳам истеъдодли футболчига қизиқиш билдирган эди. Бироқ "Брюгге" раҳбарияти ўша пайтда ҳужумчини сотиш масаласини муҳокама қилишдан бош тортган.

Transfermarkt портали ҳозирда Николо Тресольдининг трансфер қийматини 35 миллион еврога баҳоламоқда.