«ПСЖ» ҳужумчиси Дезире Дуэ Европа Чемпионлар лигаси умумий босқичининг 2-турида «Манчестер Сити» устидан қозонилган 4:2 ҳисобидаги ғалабадан сўнг учрашув ҳақида ўз фикрларини билдирди.

«Golden Boy» мукофоти соҳиби жамоасининг биринчи бўлимдаги ҳаракатларини юқори баҳолади, бироқ танаффусдан кейинги ўйиндан тўлиқ қониқмаганини яширмади.

Иккинчи бўлимдаги ўйиндан норозилик

«Биз иккинчи бўлимдаги ўйинимиздан норозимиз. Аммо бугун ғалаба қозондик ва энг муҳими ҳам шу.

Биз «Манчестер Сити»нинг нақадар кучли жамоа эканини яхши биламиз. Шу билан бирга, ўзимиз ҳам ажойиб футболчиларга эга кучли жамоамиз.

Шу сабабли учрашувнинг дастлабки дақиқалариданоқ диққатимизни бир жойга жамлашимиз керак эди. Биз жуда тез гол урдик ва бу биз учун айни муддао бўлди», — деди Дуэ CBS Sports телеканалига берган интервьюсида.

«Бу учрашув биз учун жиддий синов бўлди»

Франциялик футболчи иккинчи бўлимда «ПСЖ» ўйин назоратини тўлиқ сақлаб қола олмаганини ҳам таъкидлади.

«Менимча, иккинчи бўлимни мукаммал ўтказмадик. Биз ўйинни яхшироқ назорат қилишни истагандик, аммо режаларимизни тўлиқ амалга ошира олмадик.

Бундай учрашувлар биз учун жуда яхши синов ҳисобланади.

Европанинг энг кучли жамоаларидан бирига қарши майдонга тушганингизда, энг юқори савияда ҳаракат қилишингиз шарт. Менимча, бугун биз ўз вазифамизни жуда яхши бажардик», — деди ҳужумчи.

Мураббийнинг асосий талаби — фаол прессинг

Дуэ «ПСЖ»нинг рақибга қарши қўллаган тактик режаси ҳақида ҳам тўхталиб, бош мураббий Луис Энрике футболчилардан тўпни йўқотган заҳоти фаол прессинг бошлашни талаб қилганини маълум қилди.

«Тўпни йўқотганимизда, жуда тез ҳаракатга ўтишимиз ва дарҳол прессинг қўллашимиз керак.

Мураббий биздан айнан шуни талаб қилди. Менимча, бугун ушбу вазифани анча яхши бажардик», — дея қўшимча қилди Де