“Реал Мадрид” бош мураббийи Жозе Моуриньо Винисиус Жуниорнинг Испания чемпионатидаги тўртта ўйинга дисквалификация қилинганига муносабат билдирди. Бразилиялик ҳужумчи Ла Лиганинг 8-турида “Вильярреал”га қарши учрашувда (1:0) рақиб футболчиси Натан-Дилан Салибанинг сочидан тортгани учун қизил карточка олган эди.
“Бирор футболчига ўйин бошланишига бир соат қолганида тўртта учрашувга дисквалификация қилингани ҳақида хабар бериш тўғрими? Бу нормал ҳолатми? Нега буни ҳозир, “Рома”га қарши Чемпионлар Лигаси ўйинидан кейин ёки эртага эрталаб эълон қилиш мумкин эмасди? У бу хабарни автобусда эшитиши шартмиди? Испания Қироллик футбол федерациясида виждон қолмаган. Улар энди ўзларини яширишга ҳам уринмаяпти. Учрашувга бир соат қолганида футболчини руҳий томондан синдиришга ҳаракат қилишди. Нима учун? У Испания клубида ўйнайди-ку, нега унга зарар етказишга уриниш керак?”, дея Моуринёнинг сўзларини Мадрид Хтра нашри келтирди.
Маълумот учун, Винисиус Ла Лигадан ўрин олган “Севилья”, “Барселона”, “Расинг” ва “Валенсия”га қарши ўйинларни ўтказиб юборади.
