«Барселона»дан «Ливерпуль»га ижарага берилган уругвайлик ҳимоячи Рональд Араухонинг келажаги борасидаги вазият ноаниқлигича қолмоқда.

«Ливерпуль» 27 ёшли футболчини жорий мавсум охирига қадар ижарага олган. Шартномада уни 55 миллион еврога тўлиқ сотиб олиш банди ҳам мавжуд.

Яқинда ОАВда Англия клуби раҳбарияти футболчини сотиб олиш борасидаги позициясини қайта кўриб чиқаётгани ва бу трансфернинг мақсадга мувофиқлигига шубҳа билан қарай бошлагани ҳақида хабарлар тарқалди.

Бироқ Араухонинг агенти ушбу маълумотларни асоссиз деб атади. Бу ҳақда Barca Universal нашри хабар берди.

Манбага кўра, футболчининг ўзи «Ливерпуль»даги фаолиятидан мамнун. Шунингдек, клуб томонидан унинг келажаги борасида ҳеч қандай салбий ишора бўлмаган.

Араухо Андони Ираола бошқарувидаги жамоа сафида бугунга қадар тўққизта учрашувда майдонга тушиб, битта гол муаллифи бўлган.