«Хетафе» президенти Анхель Торрес клуб ҳужумчи Жейдон Санчо ва яримҳимоячи Даниэль Парехо билан музокаралар олиб бораётганини тасдиқлади.
«Жароҳат туфайли Учени йўқотганимиздан кейин унинг ўрнини тўлдира олмадик. Биз Санчо билан музокаралар олиб боряпмиз. Буни уч-тўрт ой олдин ҳам амалга оширган эдик. Парехо ҳам вариантлардан бирига айланиши мумкин. Келаси ҳафта ушбу музокараларни якунлай олиш-олмаслигимиз маълум бўлади», — деди Торрес Movistar Plus эфирида.
Marca нашри хабар беришича, 26 ёшли англиялик футболчини жамоага жалб қилишдаги асосий тўсиқ — унинг юқори маош талаблари.
Аввалроқ Sport24 нашри Санчонинг вакиллари футболчини Россия клубларига таклиф қилгани ҳақида хабар берган эди. Унда англиялик футболчининг Россия Премьер-лигасидаги маоши бир мавсум учун камида 5 миллион евро ва қўшимча бонусларни ташкил қилиши айтилган.
