Лондоннинг «Арсенал» клуби бош мураббийи Микель Артета ҳужумчи Виктор Дьёкерешнинг кам ўйин амалиётига эга бўлаётгани ҳақида фикр билдирди.
«Менимча, бу футболчининг фаолиятида ёки жорий мавсум давомида юзага келадиган муайян босқич, холос. Биз унга қўлимиздан келган барча имкониятлар билан ёрдам беришга ҳаракат қиляпмиз», — дея Артетанинг сўзларини келтиради журналист Эдуардо Агн.
28 ёшли Дьёкереш жорий мавсумда барча мусобақалар доирасида еттита учрашувда майдонга тушди, бироқ ҳозирча на гол уришга, на голли узатма амалга оширишга муваффақ бўлди.
Швециялик футболчининг «Арсенал» билан амалдаги шартномаси 2030 йилгача мўлжалланган. Transfermarkt портали унинг трансфер қийматини 55 миллион еврога баҳоламоқда.
18 октябрь куни «тўпчилар» Англия Премьер-лигасининг 7-тури доирасида сафарда «Ноттингем Форест»га қарши баҳс олиб боради. Учрашув Тошкент вақти билан соат 20:30 да бошланади.
