Мадриднинг «Реал» клуби бош мураббийи Жозе Моуриньо жамоанинг туркиялик ярим ҳимоячиси Арда Гюлер ҳақида фикр билдирди.
«Гюлер кўп меҳнат қилади. Менимча, сизлар унинг машаққатли меҳнатини муносиб баҳолашда анча қийналасизлар. Арда жуда иқтидорли футболчи ва бахтимизга, у ҳали ўзининг энг юқори даражасига етгани йўқ. У турли позицияларда ўйнаш имконини берувчи сифатларга эга. Мен ундан жуда мамнунман», — дея Моуриньонинг сўзларини келтиради Madrid Xtra.
21 ёшли Гюлер жорий мавсумда барча мусобақаларда тўққизта учрашувда иштирок этиб, битта гол урди ва бешта голли узатмани амалга оширди.
Transfermarkt портали баҳосига кўра, Гюлернинг трансфер қиймати 100 миллион еврони ташкил этади.
