«Бавария» ҳужумчиси Харри Кейн Германия чемпионатининг 6-турида «РБ Лейпциг»га қарши баҳсда (6:1) иштирок этди. Бу англиялик футболчининг Бундеслигадаги 100-ўйини бўлди. Бу ҳақда мусобақанинг расмий сайти хабар берди.

Кейн 2023 йил августидан буён мюнхенликлар сафида тўп тепмоқда. У шу вақтга қадар барча мусобақаларда «Бавария»нинг 156 та учрашувида майдонга тушиб, 154 та гол урган ва 37 та голли узатмани амалга оширган.

Ҳужумчи «Бавария» билан икки марта Германия чемпиони бўлган, шунингдек, мамлакат Кубоги ва Германия Суперкубогини икки мартадан қўлга киритган.

«Бавария» Бундеслиганинг жорий мавсумида 14 очко жамғариб, турнир жадвалида пешқадамлик қилмоқда.