"Манчестер Юнайтед" бош мураббийи Майкл Каррик жамоа қанот ҳужумчиси Маркус Рэшфорднинг ўйинлари ҳақида ўз фикрларини билдирди.

28 ёшли футболчи жорий мавсумда саккизта учрашувда майдонга тушган бўлса-да, ҳозирча бирорта ҳам самарали ҳаракатни амалга ошира олмади. У мазкур баҳсларнинг олтитасини асосий таркибда бошлаган.

"Маркус кўп жиҳатдан тўғри ҳаракат қилмоқда. Ҳа, у жароҳат олгани сабабли терма жамоа қароргоҳини тарк этишга мажбур бўлди ва ўзини эҳтиёт қилиши керак эди. Аммо ҳозир у тўғри йўлда кетмоқда.

Ҳозирча унга шунчаки омад етишмаяпти. Шунга қарамай, у майдонда тўғри позиция танламоқда ва гол уриш учун имкониятларга ҳам эга бўлди. У шу тарзда ишлашда давом этиши керак. Эртами-кечми унинг саъй-ҳаракатлари ўз самарасини беради", — дея Каррикнинг сўзларини келтиради Centredevils.

Бугун "қизил иблислар" Англия Премьер-лигаси доирасида сафарда "Лидс"га қарши майдонга тушади. Учрашув Тошкент вақти билан соат 18:00 да бошланади.