Мадриднинг «Атлетико» клуби «Ювентус»дан ижарага олинган канадалик ҳужумчи Жонатан Давидни ўз сафида сақлаб қолишни режалаштирмоқда. Бу ҳақда Relevo нашри хабар бермоқда.

Манба маълумотларига кўра, «Атлетико» бош мураббийи Диего Симеоне ҳужумчининг намойиш этаётган ўйинидан тўлиқ қониқиш ҳосил қилган ва унинг жамоада қолишини истамоқда.

Мадридликлар Давиднинг трансфер ҳуқуқини сотиб олиш учун аллақачон 25 миллион евро ажратган. Ҳозирда канадалик футболчи «Атлетико» сафида ижара асосида тўп сурмоқда.

Жонатан Давид мадридликлар таркибида ўтказган олтита учрашувида жами бешта самарали ҳаракатни, яъни гол ва голли узатмаларни ўз ҳисобига ёздириб қўйган.

Кутилишича, «Атлетико» канадалик ҳужумчини тўлиқ сотиб олган тақдирда, норвегиялик форвард Александр Сёрлотни сотиш имкониятини ҳам кўриб чиқади.