Франциянинг «Ренн» клубида тўп сураётган камерунлик ҳимоячи Маҳамаду Нагида Европанинг бир қатор клублари эътиборини тортди. Бу ҳақда журналист Экрем Конур ижтимоий тармоқлардаги саҳифасида маълум қилди.
Манбага кўра, 21 ёшли африкалик футболчига Франциянинг «ПСЖ», Италиянинг «Интер» ва Португалиянинг «Порту» клублари қизиқиш билдирмоқда.
Transfermarkt портали мутахассислари Нагиданинг айни пайтдаги бозор қийматини 10 миллион еврога баҳоламоқда.
Ҳимоячининг «Ренн» билан амалдаги шартномаси 2029 йилнинг июнь ойи охирига қадар мўлжалланган.
Маҳамаду Нагида жорий мавсумда Франция Лига 1 мусобақаси доирасида «Ренн» сафида олтита учрашувда майдонга тушди. Бироқ ҳозирча гол уриш ёки голли узатма беришга муваффақ бўлмади.
