Флик уч футболчидан хавотирда«Барселона» бош мураббийи Ханс-Дитер Флик уч нафар футболчининг ҳолатидан хавотирда. «Бетис»га қарши учрашувда Жерар Мартин ва Эрик Гарсия оғриқ ҳис қилгани сабабли алмаштирилди. Жюль Кунденинг ҳам соғлиғи билан боғлиқ муаммолари бор.

«Ҳозирги энг муҳим вазифа — тикланиш. Бу жуда муҳим. Сешанба кунги ўйинда футболчиларнинг майдондаги вақтини қандай тақсимлашни кўриб чиқамиз. 11 нафар футболчини танлашимиз керак. Ҳозирча Гарсиянинг аҳволи қандай экани аниқ эмас, Кунде ва Мартинда ҳам кичик муаммолар бор. Кўрамиз. Олдимизда яна икки кун бор. Тиббий текширув натижаларини кутишимиз керак», — дея Фликнинг сўзларини Goal портали келтирмоқда.

«ПСЖ» ва «Барселона» 20 октябрь, сешанба куни ўзаро баҳс олиб боради. Учрашув Тошкент вақти билан соат 00:00 да бошланади.