Испаниянинг «Хетафе» клуби англиялик қанот ҳужумчиси Жейдон Санчони ўз сафига қўшиб олиш учун жиддий рақобатга дуч келмоқда.

Футболчи ёзда «Манчестер Юнайтед»ни тарк этганидан буён эркин агент мақомида бўлиб турибди.

Diario AS нашрининг хабар беришича, Санчога Бирлашган Араб Амирликларининг иккинчи дивизионида иштирок этадиган Дубайнинг икки клуби — «Сокур Ал-Араб» ва «Арабиан Фалконс» қизиқиш билдирмоқда.

Ҳар икки клуб ҳам англиялик футболчини молиявий жиҳатдан жуда жозибадор таклифлар орқали ўз сафига жалб қилишга ҳаракат қилмоқда.

«Хетафе» эса молиявий имкониятлари чеклангани сабабли Дубай клубларининг таклифларига тенглаша олмайди.

Қайд этилишича, Санчо аллақачон «Хетафе» билан музокаралар олиб бормоқда. Бироқ у ҳозирча келажаги борасида якуний қарор қабул қилмаган ва келиб тушган таклифларни ўрганишда давом этмоқда.

Эслатиб ўтамиз, «Хетафе» яқинда Мадриднинг «Реал» клуби собиқ ҳимоячиси Дани Карвахални ҳам эркин агент сифатида ўз сафига қўшиб олган эди.