«Бешиктош» ЦСКА ярим ҳимоячиси Матвей Кислякка бўлган қизиқишини сақлаб қолмоқда. «Евро-Футбол.Ру» интернет нашри маълумотига кўра, Истанбул клуби ЦСКАнинг Москвада бўлиб ўтадиган яқиндаги учрашувларига скаутларини юборишни режалаштирмоқда.
Манбанинг таъкидлашича, ҳозирча «Бешиктош» Кислякнинг эҳтимолий трансфери борасида ЦСКА билан алоқага чиқмаган.
21 ёшли Матвей Кислякнинг трансфер қиймати нуфузли Transfermarkt портали мутахассислари томонидан 25 миллион еврога баҳоланмоқда.
Ярим ҳимоячи ЦСКА сафида 98 та учрашувда майдонга тушиб, 13 та гол урган ва 12 та голли узатмани амалга оширган.
Якшанба куни ЦСКА «Динамо»га қарши дербида майдонга тушади.
