Франция Лига 1 мусобақасининг 7-тури доирасида «Анже» ўз майдонида «Марсель»ни қабул қилди. Сермаҳсул кечган учрашув меҳмонларнинг 5:2 ҳисобидаги йирик ғалабаси билан якунланди.

«Марсель» сафида Ҳимад Абделли, Нуҳум Камиссоко, Амин Гуири, Амин Харит ва Игор Пайшан гол муаллифи бўлишди.

Эътиборлиси, Амин Гуири учрашув давомида пенальтини аниқ амалга ошира олмади. Бироқ орадан атиги бир дақиқа ўтгач, у рақиб дарвозасини ишғол этиб, ўз хатосини тўғрилашга муваффақ бўлди.

Мезбонлар сафида эса Лилиан Раолисоа ва Амин Эль-Уаззани гол уришди. Эль-Уаззани ўз голини пенальтидан киритди.

Мазкур ғалабадан сўнг «Марсель» ҳисобидаги очколар сони 9 тага етди. Жамоа Франция чемпионати турнир жадвалида саккизинчи ўринга кўтарилди.

«Анже» эса 7 очко билан 14-поғонада жойлашган.

Франция чемпионати. Лига 1. 7-тур.

18 октябрь, 18:00. «Раймон Копа» (Анже)

«Анже» — «Марсель» — 2:5

Голлар: Рао-Лисоа, 14 (1:0), Абделли, 37 (1:1), Камиссоко, 43 (1:2), Гуири, 60 (1:3), Эль Уаззани, 75 — пенальтидан (2:3), Харит, 83 (2:4), Пайшан, 85 (2:5).

Амалга оширилмаган пенальти: Гуири (59).

«Анже» таркиби: Антони Лопеш, Рао-Лисоа, Жернигон, Биумла (Калулу, 72), Аркус, ван ден Бомен, Бельҳдим, Сбаи (Бермон, 89), Мутон (Петер, 57), Аллевина (Жибирин, 72), Эль Уаззани (Дьятта, 89).

«Марсель» таркиби: де Ланге, Эмерсон, Кондогбья (Агерд, 60), Иган-Райли, Веа, Камиссоко (Гомеш, 80), Ннади (Мопе, 90), Пайшан, Абделли (Абдалла, 80), Харит (Гарсия, 90), Гуири.

Сариқ карточкалар: Биумла (68) — Ннади (74).