Франция Лига 1 мусобақасининг 7-турида «Париж» ва «Ренн» ўртасидаги учрашувда ўзига хос тарихий натижа қайд этилди.

«Париж» 4:3 ҳисобида ғалаба қозонган мазкур баҳсда жами еттита гол урилди. Эътиборлиси, уларнинг тўрттаси пенальтидан киритилди.

«Ренн» сафидаги барча учта голга Эстебан Леполь муаллифлик қилди. Футболчи учала голини ҳам 11 метрлик жарима зарбасидан киритиб, хет-трик қайд этди.

Бу Франция чемпионатида 1992 йилдан буён кузатилмаган натижа бўлди.

Ўша йили «Тулон» футболчиси Леонардо Родригес январь ойида «Нанси»га қарши учрашувда учта пенальтини голга айлантирган эди.

Шу тариқа, Эстебан Леполь Лига 1да бир учрашув давомида пенальтилардан хет-трик қайд этган 1992 йилдан кейинги илк футболчига айланди.

Навбатдаги турда «Париж» 24 октябрь куни сафарда «Ланс»га қарши майдонга тушади.

«Ренн» эса ўз майдонида «Страсбур»ни қабул қилади.