«Манчестер Юнайтед» қишки трансфер ойнасида ҳимоя чизиғини кучайтириш мақсадида «Барселона» футболчиси Алехандро Бальдени ўз сафига қўшиб олиш имкониятини кўриб чиқмоқда.
Таниқли инсайдер Фабрицио Романонинг хабар беришича, манкунианликлар январь ойида иккита ҳимоячи — марказий ва чап қанот вакилини сотиб олишни режалаштирган. Бальде эса чап қанотни кучайтириш учун асосий номзодлардан бири ҳисобланади.
Манбага кўра, «Барселона» 23 ёшли испаниялик футболчини сотишга қарши эмас. Бироқ ҳимоячининг ўзи ҳозирча Каталония клубини тарк этишга қизиқиш билдирмаяпти.
Жорий мавсумда Бальде Испания чемпионатида атиги битта учрашувда майдонга тушди ва гол ёки голли узатма қайд этмади.
Transfermarkt портали футболчининг бозор қийматини 40 миллион еврога баҳоламоқда.
