Мадриднинг «Реал» клуби ҳимоячиси Трент Александер-Арнольд 2027 йилда жамоани тарк этиб, собиқ клуби «Ливерпуль»га қайтиши мумкин.

Teamtalk нашрининг хабар беришича, англиялик футболчининг «қироллик клуби»даги фаолияти кутилганидек кечмаяпти. У асосий таркибдан муқим ўрин эгаллашда қийналмоқда.

Жумладан, Испания чемпионатида «Севилья»га қарши ўтказилган ва 4:1 ҳисобида якунланган учрашувда бош мураббий Жозе Моуриньо ўнг қанот ҳимоясида Трент эмас, балки ярим ҳимоячи Федерико Вальвердега ишонч билдирди.

Манбага кўра, юзага келган вазият Александер-Арнольднинг «Ливерпуль»га қайтиши учун имконият яратиши мумкин. Эҳтимолий трансфер 2027 йилда амалга ошиши айтилмоқда.

Эслатиб ўтамиз, Трент «Ливерпуль»даги фаолияти давомида ўзини дунёнинг энг кучли ўнг қанот ҳимоячиларидан бири сифатида намоён этганди.

28 ёшли футболчининг «Реал» билан амалдаги шартномаси 2031 йилгача мўлжалланган. Унинг трансфер қиймати 60 миллион еврога баҳоланмоқда.