«Манчестер Юнайтед» ярим ҳимоячиси Бруну Фернандеш жамоадаги вазиятдан норози бўлиб, қишки трансфер ойнасида клубни тарк этиши мумкин.
Teamtalk нашрининг хабар беришича, португалиялик футболчи манкунианликлар натижалари яхшиланишини кутишдан чарчаган ва фаолиятини каттароқ мақсадларни кўзлаётган бошқа жамоада давом эттиришни истамоқда.
Манбага кўра, Фернандеш январь ойида «Манчестер Юнайтед»дан кетиш имкониятини кўриб чиқмоқда.
32 ёшли ярим ҳимоячи 2020 йилдан буён «қизил иблислар» шарафини ҳимоя қилиб келмоқда. Унинг клуб билан амалдаги шартномаси 2027 йилнинг 30 июнигача мўлжалланган.
Фернандешнинг ҳозирги трансфер қиймати 35 миллион еврога баҳоланмоқда.
Айни пайтда «Манчестер Юнайтед» Англия Премьер-лигасининг 7 туридан кейин 7 очко жамғариб, турнир жадвалида 14-ўринни эгаллаб турибди.
Ҳозирча португалиялик футболчининг клубдан кетиши юзасидан расмий қарор эълон қилинмаган.
