«ПСЖ» бош мураббийи Луис Энрике Ламин Ямал ҳақида ўз фикрларини билдирди. Сешанба куни парижликлар Чемпионлар лигаси умумий босқичининг учинчи турида «Барселона»га қарши майдонга тушади.
«Ямалнинг энг яхши жиҳати — айнан унинг ўзи, яъни у Ямал бўлишга интилади. У ўз ўйинининг турли жиҳатларини такомиллаштириб бормоқда.
Барча даврларнинг энг буюк футболчиси Лионель Месси билан бирор ўйинчини таққослашдан фойда йўқ. Ҳеч ким у билан тенглаша олмайди.
Ламин эса ўзининг энг яхши версиясига айланишни истайди. Ўзингни бошқалар билан таққослаш эса энг тўғри йўл эмас», — дея Энрикенинг сўзларини келтирмоқда AS.
