Франция терма жамоаси сафида жаҳон ва Европа чемпиони бўлган Анри ҳамда британиялик журналист 26 октябрь, душанба куни Лондон шаҳридаги «Палладиум» театрида ўтказиладиган 70-«Олтин тўп» мукофотини топшириш маросимига мезбонлик қилади.
«Тьерри Анри «Олтин тўп» учун тўққиз марта номзод бўлган ва 2003 йилда овоз бериш натижаларига кўра иккинчи ўринни эгаллаган. Франция ва жаҳон футболининг афсонаси, 1998 йилги жаҳон чемпионати ҳамда 2009 йилги Чемпионлар лигаси ғолиби тантанали маросимни халқаро миқёсда танилган журналист Кейт Скотт билан биргаликда олиб боради.
Британиялик журналист, шунингдек, АҚШнинг CBS Sports телеканалида Чемпионлар лигаси учрашувлари трансляцияларини олиб боради. У Анри билан мазкур телеканалда мунтазам равишда бирга ишлайди», — дейилади «Олтин тўп»нинг расмий сайтида.
