«Барселона» бош мураббийи Ханс-Дитер Флик жамоасининг жорий мавсумдаги натижаларидан мамнун эканини билдириб, футболчиларининг меҳнати ва ғалабага бўлган интилишини юқори баҳолади.

Каталонияликлар 2026/27 йилги мавсумни муваффақиятли бошлади. «Кўк-анорранглилар» ҳозирга қадар барча мусобақалар доирасида ўтказган 11 та расмий учрашувнинг барчасида ғалаба қозонган.

Энди Флик шогирдларини Чемпионлар лигасида жиддий синов кутмоқда. «Барселона» Парижда «ПСЖ» меҳмони бўлади. Франция клуби каталонияликларнинг ғалабали сериясига барҳам беришга ҳаракат қилади.

Учрашув олдидан Флик жамоадаги муҳит ва футболчиларнинг ўйини ҳақида илиқ фикрлар билдирди.

«Мен «Барселона»да босиб ўтаётган йўлимиздан катта завқ оляпман. Жамоамиз намойиш этаётган меҳнатсеварлик ва руҳий тайёргарлик менга фахрланиш учун асос бермоқда.

Сўнгги вақтларда футболчиларимиз ҳақиқатан ҳам ақлбовар қилмас ишларни амалга оширишмоқда», — дея Фликнинг сўзларини келтиради таниқли журналист Фабрицио Романо.

Эслатиб ўтамиз, «ПСЖ» ва «Барселона» ўртасидаги Чемпионлар лигаси учрашуви 20 октябрдан 21 октябрга ўтар кечаси Тошкент вақти билан соат 00:00 да бошланади.