«Брайтон»дан 0:3 ҳисобидаги мағлубият “Арсенал”ни қўрқитиб қўйди. Чемпионликни қўлга киритгач, жамоа томошабоп футбол намойиш эта бошлаганди. Аммо шундан кейинги мағлубиятдан сўнг “канонирлар” яна самарадорликка асосланган машинага айланди.

Улар ўзларига хос ўйин услубига қайтишди. Бу услубнинг моҳияти — ўз дарвозасидан гол ўтказиб юбормаслик ва шу билан бирга рақиб дарвозасини ишғол этиш учун камроқ имконият яратиш. “Ноттингем Форест”га қарши ўйинда (1:0) айнан шуни амалга оширишди.

Менимча, тўпга шунчалик узоқ вақт эгалик қилган, бироқ гол уриш учун мутлақо имконият ярата олмаган жамоани ҳали кўрмаганман.

Бу шунчаки ақл бовар қилмас ҳолат: тўпни узоқ вақт назорат қилиш ва шу билан бирга гол уришга ҳатто яқин ҳам келмаслик. Арсен Венгер бошқарган жамоаларни эслаб кўринг. Бундай ўйин устунлигига эга бўлганида, улар рақиб дарвозаси томон 30 тагача зарба йўллашарди», — деди Пол Мерсон.