«Тоттенхэм» Англия Премьер-лигасининг жорий мавсумидаги илк ғалабасини қўлга киритди.

7-тур доирасида Роберто де Дзерби шогирдлари ўз майдонида Фрэнк Лэмпард бошқараётган «Ковентри»ни 3:1 ҳисобида мағлуб этди.

Бунга қадар «шпорлар» чемпионатнинг дастлабки олти турида бирор марта ҳам ғалаба қозона олмаган эди. Лондонликлар ушбу учрашувларнинг учтасида мағлубиятга учраган, яна учтасида дуранг қайд этган.

«Ковентри» устидан қозонилган ғалабадан сўнг «Тоттенхэм» очколари сонини 6 тага етказиб, АПЛ турнир жадвалида 16-ўринга кўтарилди.

Чемпионатнинг навбатдаги турида «Тоттенхэм» «Челси»га қарши майдонга тушади. Учрашув 24 октябрь куни «Стэмфорд Бриж» стадионида бўлиб ўтади.