Англия терма жамоасининг собиқ ҳужумчиси Алан Ширер «Манчестер Юнайтед» бош мураббийи Майкл Кэррик истеъфога чиқарилган тақдирда, унинг ўрнини эгаллаши мумкин бўлган мутахассислар ҳақида фикр билдирди.
Ширер «Брайтон» бош мураббийи Фабиан Ҳюрцелерни мазкур лавозим учун муносиб номзодлардан бири деб ҳисобламоқда.
«Агар Кэррик вазифасидан озод этилса, Ҳюрцелер унинг ўрнига яхши номзод бўларди. Аммо «Брайтон»даги ишлаш модели бутунлай бошқача», — деди Ширер Metro нашрига берган интервьюсида.
Шунингдек, собиқ футболчи Эдди Хау ва Антонио Контени ҳам эҳтимолий номзодлар қаторида тилга олди.
Унинг таъкидлашича, Майкл Кэррикка ҳозир ижобий натижалар жуда зарур.
«Манчестер Юнайтед» сўнгги турда «Лидс Юнайтед» билан 1:1 ҳисобида дуранг ўйнади. Жамоа Англия Премьер-лигасининг дастлабки еттита учрашувида атиги битта ғалабага эришди.
Бу клубнинг 1986 йилдан буён мавсумдаги энг ёмон старти ҳисобланади.
«Қизил иблислар» чоршанба куни Чемпионлар лигаси доирасида «Комо» меҳмони бўлишади.
Айни пайтда Фабиан Ҳюрцелер бошчилигидаги «Брайтон» Англия Премьер-лигаси турнир жадвалида учинчи ўринни эгаллаб турибди.
