Мадриднинг «Реал» клуби ҳимоячиси Ибраима Конате жамоадошлари, бош мураббий Жозе Моуриньо ва «Барселона»га қарши бўлажак «Эль-Класико» ҳақида фикр билдирди.
Ян Диоманде ҳақида:
«Диоманде нафақат яхши футболчи, балки ажойиб инсон ҳамдир. Уни «Реал Мадрид»да порлоқ келажак кутмоқда».
«Эл-Класико» ҳақида:
«Ҳозир бутун эътиборимизни навбатдаги учрашувга қаратишимиз жуда муҳим. Биринчи навбатда эртанги ўйинга диққат қилишимиз керак. Шундан кейингина «Эл-Класико» ҳақида ўйлаймиз».
Жозе Моуриньо ҳақида:
«Моуриньо гапирганда, ҳамма жим бўлиб уни тинглайди. У ўзига хос харизма ва салобатга эга.
У — буюк мураббий. Барчага маълумки, биз унинг қўл остида ғалабалар қозонишни ва совринларни қўлга киритишни истаймиз».
Жамоадаги француз футболчилари ҳақида:
«Тчуамени ва Мбаппе менга клуб ҳақида жуда кўп нарсаларни айтиб беришган. Бу жуда ижобий ҳолат.
Улар билан бир жамоада эканимдан хурсандман. Иккаласи ҳам ажойиб инсонлар.
Шунингдек, Менди ҳам тез орада сафга қайтишига умид қиламан. У жамоамизга жуда керак».
Жамоанинг мақсадлари ҳақида:
«Биз Чемпионлар лигасида ғолиб чиқишни ва ҳар бир соврин учун охиригача курашишни истаймиз», — деди Конате.
