«Манчестер Юнайтед» Чемпионлар лигаси доирасида Италиянинг «Комо» клубига қарши ўтказиладиган учрашув олдидан бир қатор асосий футболчиларисиз машғулот ўтказди.

Сешанба куни эрталаб Каррингтонда ташкил этилган машғулотда олти нафар футболчи иштирок этмади.

Хусусан, Айден Хевен, Люк Шоу, Лисандро Мартинес, Кобби Майну, Маркус Рэшфорд ва Беньямин Шешко машғулотларда қатнашмаган.

Шунингдек, Патрик Доргу маълум муддат майдонга туша олмайди. Мануэль Угарте эса узоқ вақтдан буён сафдан чиққан футболчилар қаторида қолмоқда.

Лисандро Мартинес якшанба куни «Лидс Юнайтед»га қарши 1:1 ҳисобида якунланган учрашувнинг биринчи бўлимидан сўнг алмаштирилган эди. Унинг ўрнига Нуссаир Мазрауи майдонга тушган.

Айден Хевен эса касаллиги сабаб мазкур баҳсни ўтказиб юборган.

Маркус Рэшфорд ҳозирда жароҳати билан боғлиқ муаммони енгиб ўтишга ҳаракат қилмоқда. Лени Йоро эса Европа мусобақаларидаги битта учрашувга дисквалификация қилинган.

Маттейс де Лигт белидан ўтказилган жарроҳлик амалиётидан кейин жамоа сафига қайтган. Бироқ нидерландиялик ҳимоячи тикланганидан буён ҳали бирор марта майдонга тушмаган.

«Манчестер Юнайтед» Чемпионлар лигасида «Комо»га қарши баҳс ўтказиш учун Италияга йўл олади.