«Барселона»нинг собиқ ҳимоячиси Максвелл Рафиньянинг жорий мавсумда марказий ҳужумчи сифатида намойиш этаётган ўйинига юқори баҳо берди.

Бразилиялик собиқ футболчи ҳамюртининг бу қадар кўп гол ураётганидан ҳайратда эканини яширмади.

«Унинг мавсумни қандай бошлагани ақл бовар қилмас даражада. Мени ҳайрон қолдираётган ягона нарса — у ураётган голлар сони.

Унинг ўйини, жамоага таъсири, сўнгги бир неча йил давомида намойиш этган етакчилик фазилатлари... У аввал ҳам ажойиб ишлар қилаётган эди.

Аммо ҳозиргидек кўп гол ураётгани мени бироз ҳайрон қолдирмоқда.

Унга фақат яхшилик тилайман. Биз, бразилияликлар, Европада ёки дунёнинг бошқа нуқталарида юртимиз шарафини ҳимоя қилаётган футболчиларимизни доимо қўллаб-қувватлаймиз.

Рафинья Бразилия миллий терма жамоаси етакчиларидан бири ҳисобланади.

Унга мавсум давомида омад тилайман ва ҳозир намойиш этаётган ўйини билан табриклайман», — деди Максвелл.